ՑՏԵՍՈՒԹԻՒՆ | ՇԱՀԷՆ ԱՐԱՊՕՂԼԵԱՆ
 |
Վերջին համբոյրին մէջ աղի համ մը կար: Կարծեմ աղի հեղուկէ մը,
կամ աղի ցտեսութենէն, կամ աղի զգացումներէն: Թերեւս դիտմամբ շատ աղի է՝ փոխարինելու
ապագայ օրերու անլի վիճակը: Անլի վիճակ մը՝ լեցուն դատարկութեամբ, ոչնչութեամբ եւ աղի
հեղուկով:
Չեմ գիտեր:
Օդը պաղ է: Շատ պաղ: Կը կարծէի ամառ է: Բայց ամառ է: Բայց պաղ:
Ներքնապէս պաղ, արտաքնապէս քնատ: Բեւեռները մէջս են, բայց ես՝ Միջին Արեւելքին մէջ:
Պաղը մէջս է, ես՝ տաքին մէջ:
Անլի եմ: Պաղ եմ: Մինակ եմ:
Ցտեսութիւն:
Շահէն Արապօղլեան
(Լիբանան)
Comments
Post a Comment